Jyl saıyn 600-ge jýyq baladan qaterli isik anyqtalady

Ortalyq kommýnıkatsııalar qyzmetinde ótken brıfıngide Densaýlyq saqtaý vıtse-mınıstri Vıacheslav Dýdnık qaterli isiktiń «jasaryp» bara jatqanyn aıtty, dep habarlaıdy Kazinform. 

«Elimizde balalar onkogematologııasyna arnalǵan 508 tósek-oryn bar, 88 balalar onkogematology jumys isteıdi. Búgingi tańda balalar onkologtary men gematologtarynyń dınamıkalyq baqylaýynda qaterli isiktiń remıssııasynda 4 myńǵa jýyq bala baıqalady. Jyl saıyn balalarda 600-ge deıin qaterli isik anyqtalady», - dep derekter keltirde Vıacheslav Dýdnık.

Osy brıfıngi barysynda vıtse-mınıstr jyl saıyn 13 myńnan astam qazaqstandyq qaterli isikten kóz jumatynyn aıtty. Jalpy, elimizde onkologııaǵa shaldyqqan 217 myńnan astam patsıent dınamıkalyq baqylaýda tur.