Jyl saıyn 200-den astam qyz bala jynystyq zorlyqqa ushyraıdy

ASTANA. KAZINFORM – Keıingi 5 jylda elimizde erte júktilik 43 paıyzǵa tómendegen. Bul týraly Ortalyq kommýnıkatsııalar qyzmetindegi brıfıngide Oqý-aǵartý vıtse-mınıstri Edil Ospan aıtty. 

қылмыс
Фото: СҚО ПД баспасөз қызметінен

— Jasóspirimder arasyndaǵy erte júktilik nemese qajetsiz qarym-qatynasqa qatysty problema bar. Sondyqtan bilim berý salasynda mundaı keleńsizdikterdiń aldyn alý úshin birqatar jumys istelinip jatyr. Jalpy, statıstıkany densaýlyq saqtaý salasyndaǵy ókiletti organ júrgizedi. Qolǵa alynǵan jumystardyń nátıjesinde keıingi 5 jylda erte júktiliktiktiń 43 paıyzǵa tómendegeni týraly aqparatymyz bar. Bul neniń nátıjesi degen máselege taldaý júrgizip kórdik. Halyq arasynda, ata-analar men jasóspirimder arasynda júrgizilgen túsindirý jumystary osyndaı nátıje berip otyr. Bul problemanyń túpki sebebi qyz balalarǵa jasalatyn zorlyq áreketteri ekenin ashyq aıtýymyz kerek. Jylyna 200-den astam zorlyq qylmysy bolady, - dedi vıtse-mınıstr.

Onyń atap ótýinshe, erte júktiliktiń taǵy bir sebebi — áleýmettik jeliler. Qyzdar áleýmettik jeliler arqyly úlken adamdarmen tanysyp, olardyń quryqtaryna túsip qalady. Mundaı faktiler de kóp. 

— Sondyqtan osy eki baǵytta jumysty kúsheıtý qajet dep oılaımyz. Birinshiden, zorlyq-zombylyqpen kúresýimiz kerek. Ekinshiden, áleýmettik jelige ata-analardyń baqylaýyn kúsheıtken jón, - dedi Edil Ospan. 

Buǵan deıin túsik jáne ýaqytynan buryn bosanýdyń sebebi nede ekenin jazǵan edik.

Сейчас читают