Jyl qorytyndysy boıynsha Qazaqstannyń úzdik 10 boksshysy anyqtaldy

ASTANA. KAZINFORM — Boxrec.com saıty 2025 jyldyń qorytyndysy boıynsha qazaqstandyq úzdik boksshylardyń reıtıngin jarııalady. Bul týraly Sports.kz habarlady.

Reıtıngtiń birinshi ornyn Jánibek Álimhanuly (17-0, 12 KO) ıelendi. Qazirgi tańda ol orta salmaqta WBO jáne IBF nusqalary boıynsha álem chempıony bolyp qala beredi. Alaıda jýyrda ol dopıng daýyna ilikken. Eger boksshynyń kinási dáleldense, oǵan dıskvalıfıkatsııa men chempıondyq belbeýlerinen aıyrylý qaýpi tónip tur.

Qazaqstandyq úzdik úsh boksshylardyń qataryna sondaı-aq Sultan Zaýrbek (20-0, 13 KO) pen Janqosh Turarov (29-0, 20 KO) endi.

Al úzdik ondyqtaǵy ózge sportshylar mynalar:

• Danııar Eleýsinov (13-0, 8 KO),

• Bek Nurmaǵanbet (15-0, 13 KO),

• Bekman Soılybaev (21-1, 12 KO),

• Batyr Júkembaev (24-1, 17 KO),

• Rýslan Mádıev (18-2-1, 6 KO),

• Elshat Nyǵmetolla (21-0-3, 8 KO),

• Sadrıddın Ahmedov (15-0-1, 13 KO).

Buǵan deıin qazaqstandyq Mahmud Sabyrhan World Boxing uıymy jarııalaǵan baıqaýda jyldyń úzdik boksshy ataǵyna ıe boldy.

Sonymen qatar, otandyq boksshy Natalıa Bogdanova — 2025 jylǵy áıelder arasyndaǵy «Jankúıerler tańdaýy boıynsha úzdik boksshy» atanǵany belgili boldy.