Jyl basynan MÁMS júıesine qosylǵan adamdar sany kúrt artty
ASTANA. KAZINFORM — Bıylǵy qańtar aıynan bastap buǵan deıin MÁMS júıesine kirmegen 800 myńnan asa adam saqtandyrý mártebesine ıe boldy. Bul týraly Densaýlyq saqtaý mınıstrligi málim etti.
Atap aıtqanda, Memleket basshysy 2025 jylǵy shildede «Qazaqstan Respýblıkasynyń keıbir zańnamalyq aktilerine mindetti áleýmettik medıtsınalyq saqtandyrý jáne medıtsınalyq qyzmet kórsetý máseleleri boıynsha boıynsha ózgerister men tolyqtyrýlar engizý týraly» Zańyna qol qoıdy.
— Atalǵan zańǵa sáıkes, 2026 jylǵy 1 qańtardan bastap D jáne E sanatyndaǵy áleýmettik jaǵdaıy qıyn azamattar, jumys istemeıtin azamattar úshin MÁMS jarnalary jergilikti bıýdjet esebinen tólenetin boldy. Bul shara shamamen 800 myń adamdy MÁMS júıesinde saqtandyrylǵan mártebesimen qamtamasyz etýge múmkindik berdi. Atalǵan norma MÁMS júıesindegi saqtandyrylmaǵan azamattar sanyn qysqartýǵa yqpal etti, — dep atalyp ótken mınıstrliktiń Kazinform agenttigine bergen jaýabynda.
Osy oraıda jyl basynan olardyń 200 myńǵa jýyǵy medıtsınalyq kómek aldy.
Eske salsaq, byltyr kóktemge Densaýlyq saqtaý mınıstri Aqmaral Álnazarova MÁMS júıesinen tys qalǵan 3,3 mln adamnyń máselesine qatysty pikir bildirdi. Sol kezde vedomstvo basshysy 1 mln-ǵa jýyq adam jergilikti atqarýshy organdar esebinen MÁMS-ke engiziletinin aıtty.
