Jyl basynan qos azamattyqtyń 700-ge jýyq deregi anyqtaldy

ASTANA. KAZINFORM — QR Іshki ister mınıstriniń orynbasary Igor Lepeha qos azamattyǵy bar adamdardy anyqtaýǵa qatysty túsinik berdi. 

— Jalpy, qos azamattyq boıynsha 693 derek anyqtaldy. Bul jaǵdaıda anyqtalǵan osy adamdar Qazaqstannyń azamattyǵynan aıyrylady, — dedi Igor Lepeha Senatta tilshiler suraǵyna jaýap bere otyryp.

Atap aıtqanda, elimizdiń Konstıtýtsııasynda qos azamattyqqa tyıym salyǵan. Jaqynda QR Іshki ister mınıstrligi qos azamattyq úshin jazany qatańdatýǵa qatysty túsinik bergen edi. 

Eske salsaq, 2022 jyly Qazaqstanda qos azamattyqtyń 841 deregi tirkelgen edi.

Aıta ketelik Senat Qazaqstan men Armenııanyń qos azamattyqpen kúres jónindegi qujatty maquldaǵan edi.