Jyl basynan elimizde qylmys sany 8 paıyzǵa azaıdy
ASTANA. KAZINFORM – Jyl basynan elimizde qylmys sany 8 paıyzǵa azaıdy. Bul týraly Úkimet otyrysynda Іshki ister mınıstri Erjan Sádenov aıtty.
– Jalpy, mınıstrlik zań jáne tártip qaǵdıatyn iske asyrýdy jalǵastyrýda. Búginde aldyn alý jumystary kúsheıtildi. 2,3 mln ákimshilik quqyq buzýshylyqtyń joly kesildi. Nátıjesinde jyl basynan berý qylmystar sany 8 paıyzǵa azaıdy. Onyń ishinde ınternet alaıaqtyq sany da tómendedi. Jalpy, qylmystardy ashý kórsetkishi jaqsardy, - dedi Erjan Sádenov.
Sonymen qatar mınıstr «Taza Qazaqstan» naýqany aıasynda tabıǵatty qorǵaý zańnamasynyń saqtalýy qamtamasyz etilip jatqanyn aıtty.
Buǵan deıin Úkimet otyrysynda Іshki ister mınıstri Erjan Sádenov zań buzýshylardy mindetti túrde jazalaý qaǵıdaty qamtamasyz etiletinin atap ótken bolatyn.