Jyl basynan beri elektrli samokattarǵa qatysty 80-nen astam jol apaty tirkeldi
ASTANA. KAZINFORM – Bıyl elektrli samokattarǵa qatysty jol apatynan 2 adam qmert boldy.
«Keıingi jyldary elektrli samokattar men mopedter máselesi aıtarlyqtaı kúsheıe tústi jáne olardyń jol jaǵdaıyna tıgizetin áseri de artyp keledi. 2023 jylǵy 30 tamyzda Parlament Májilisi depýtattarymen birlesip ázirlengen zań jobasy qabyldandy. Onda samokat uǵymy, júrip-turý qaǵıdalary, sondaı-aq olardyń júrgizýshileriniń quqyqtary men mindetteri bekitilgen», - delingen QR Іshki ister mınıstrligi baspasóz qyzmetiniń Kazinform agenttigine bergen jaýabynda.
Vedomstvo málimetine qaraǵanda, bıyldyń 7 aıynda elektrli samokattarǵa qatysty 83 jol apaty tirkeldi. Sonyń saldarynan 2 adam qaza taýyp, 80 adam jaralanǵan. Joǵaryda kórsetilgen merzimde elektrli samokat júrgizýshileri jol eresin buzýdyń 26 myńnan astam deregine qatysy bary anyqtalǵan.
Aıta keteıik, polıtseıler qandaı jaǵdaıda elektrli samokat júrgizýge tyıym salynatynyn aıtty.
