Jyl basynan eldegi áýejaılar 20 mln-ǵa jýyq jolaýshyǵa qyzmet kórsetti
ASTANA. KAZINFORM — Jyl basynan beri elimizdegi áýejaılardyń qyzmet kórsetýdegi múmkindigi qanshalyqty artty? Bul suraqqa Kólik mınıstrligi jaýap berdi.
— Jyl basynan beri Qazaqstannyń avıatsııa salasynyń kórsetkishteri turaqty ósimdi kórsetip otyr. Áýejaılardyń ınfraqurylymyn jańǵyrtý boıynsha josparlanǵan jumystar oń nátıjesin kórsetip keledi. Byltyr Almaty, Shymkent jáne Qyzylorda qalalarynyń áýejaılarynda jańa jolaýshylar termınaldarynyń paıdalanýǵa berildi. Sonymen qatar, jolaýshylar aǵynynyń qarqyndy ósýi baıqalyp otyr. Máselen, Astana áýejaıy alǵash ret bir aıda — bıylǵy shildede 1 mln-nan astam jolaýshyǵa qyzmet kórsetti, — dep atalyp ótken mınıstrliktiń Kazinform agenttigine bergen jaýabynda.
Jalpy alǵanda, 2026 jyldyń 7 aıynda Qazaqstan áýejaılary 18,2 mln jolaýshyǵa qyzmet kórsetip, 102 myń tonna júkti tirkedi.
— 2026 jyldyń qańtar-shilde aılarynyń aralyǵynda Qazaqstan Respýblıkasynyń áýe kóligimen 9,2 mln jolaýshy tasymaldandy, bul ótken jyldyń sáıkes kezeńindegi kórsetkishten 3,4 paıyzǵa artyq, — dep naqtylady vedomstvo.
Aıta keteıik, jaqynda Astanadan Arqalyqqa 33 jyldan keıingi birinshi turaqty áýe reısi oryndaldy.
