Jyl basynan elde bıznes sýbektileri 200 myńǵa artty

ASTANA. KAZINFORM – 17 myń shaǵyn jáne mıkrobıznes sýbektileri úshin 7,7 mlrd teńgege aıyppul esepten shyǵaryldy. Bul týraly Úkimet otyrysynda 3 aıdyń áleýmettik-ekonomıkalyq damý qorytyndysyn talqylaý kezinde Qarjy mınıstri Mádı Takıev málim etti.

Onyń aıtýynsha, mınıstrlik bıznesti qoldaýdyń basym baqylaý modelinen, servıstik modeline kóshýdi jalǵastyryp keledi. Jyl basynan beri kásibı qaýymdastyqpen birlese otyryp, salyq tóleýshilerde týyndaǵan máselelerge qatysty aýqymdy jumystar atqaryldy. 47 myńnan astam salyq tóleýshi «Halyq býhgalteri» aktsııasy aıasynda qamtyldy.

- Sonymen qatar, «Jańadan basta» bastamasy iske asyrylyp keledi. Onyń aıasynda bıznes qazirdiń ózinde 11 mlrd teńgege negizgi bereshegin ótedi. Bul rette, 17 myń shaǵyn jáne mıkrobıznes sýbektileri úshin 7,7 mlrd teńgege aıyppul men ósimpuldar esepten shyǵaryldy. Calyq reformasy buryn tirkeý esebinde turmaǵan, ózin-ózi jumyspen qamtyǵan 348 myńǵa jýyq azamattyń tirkelýin qamtamasyz etti. Jalpy, jumyspen qamtyǵandardy qosa alǵanda, bıznes sýbektileriniń sany jyl basynan beri 200 myńǵa artyp, 2,7 mln-ǵa jetti. Bul ekonomıkalyq bazanyń sapaly joǵarlaýynyń mańyzdy kórsetkishi, - dedi mınıstr.

Budan buryn habarlanǵandaı, kúrdeli syrtqy ekonomıkalyq ahýalǵa qaramastan shıkizattyq emes sektor básekege qabilettiligin kórsetti.