Jyl basynan elde 400-den astam adam astan ýlandy
ASTANA. KAZINFORM – Jyl basynan beri elimizde taǵamnan, fast-fýdtan neshe adam ýlandy. Bul suraqqa Densaýlyq saqtaý mınıstrligi Sanıtarııalyq-epıdemıologııalyq baqylaý komıteti jaýap berdi.
- 2025 jyldyń 9 aıynda baqylaý jáne qadaǵalaý obektilerine baılanysty jappaı tamaqtan ýlanýdyń 28 jaǵdaıy tirkeldi (2024 jyly – 13 jaǵdaı), zardap shekkender sany - 413 adam, - delingen vedomstvonyń Kazinform agenttigine bergen jaýabynda.
Tamaqtan ýlanýdyń negizgi sebebi ónimdi jetkizýden jáne saqtaýdan bastap olardy daıyndaý men satýǵa deıingi sanıtarııalyq–epıdemıologııalyq talaptardyń oryndalmaýynan bolǵan. Sondaı-aq medıtsınalyq tekserýsiz jumys isteýge ruqsat alǵan personaldyń bakterııa tasymaldaýshy retinde anyqtalý derekteri bar.
- 2025 jyly jemis-jıdek, qaýyn-qarbyzdan jappaı ýlaný jaǵdaıdary tirkelmedi, - dep naqtylady komıtet.
Atap aıtqanda, adamdar tamaqtan ýlanǵan jaǵdaıda, shuǵyl kómek pen odan arǵy emdeý mindetti áleýmettik medıtsınalyq saqtandyrý júıesi aıasynda júzege asyrylady. Eger, sotqa deıingi tergep-tekserý nátıjesi boıynsha sot sheshimimen qylmystyq quqyq buzý belgileri bolǵan jaǵdaıda, sýbekt zardap shekkenderdiń materıaldyq zalalyn óteýi múmkin.
Eske salsaq, jaqynda Arqalyqtaǵy toıda 80-nen astam adam ýlanyp qaldy.