Jyl basynan bıýdjettiń shyǵystary qanshalyqty oryndaldy

ASTANA. KAZINFORM – Memlekettiń áleýmettik mindettemelerine 1,8 trln teńge baǵyttaldy. Bul týraly Úkimet otyrysynda 3 aıdyń áleýmettik-ekonomıkalyq damý qorytyndysyn talqylaý kezinde Qarjy mınıstri Mádı Takıev málim etti.

- Memlekettik bıýdjettiń shyǵystary – 94,3%-ǵa, respýblıkalyq bıýdjet shyǵystary – 95%-ǵa, jergilikti bıýdjetterdiń shyǵystary – 96%-ǵa atqaryldy. Negizgi basymdyqtar saqtala otyryp, tolyq kólemde bıýdjettiń shyǵystary kelesi salalarǵa baǵyttaldy: memlekettiń áleýmettik mindettemelerine – 1,8 trln teńge, al óńirlerge baǵyttalǵan transfert 1,3 trln teńgeni qurady. Negizgi basymdyq - ol qarajatty qarapaıym ıgerý protsesinen, naqty nátıjelerdi qarjylandyrý protsesine kóshý, - dedi M.Takıev.

Sonymen qatar, memlekettik qarjynyń uzaq merzimdi tıimdiligin arttyratyn júıeli sheshimderin iske asyrý jalǵasyp keledi.

- Birinshiden, toǵyz ótkizý pýnktin jańǵyrtý kedendik tólemderdiń ósýine tikeleı áser etti. Byltyrǵy osy kezeńmen salystyrǵanda 922 mlrd teńgege jetip, 65 mlrd teńgege ósti. Sondaı-aq salystyrmaly túrde ótkizý qabileti shamamen 400 myń avtokólik quralyna jetip, 18 paıyzǵa ósti. Jańartylǵan «Qaplanbek», «B. Qonyspaev» ótkizý pýnktterindegi jeke tulǵalardyń sany 53%-ǵa ósip, 2,4 mln-ǵa jetti. Ekinshiden, áleýmettik saladaǵy bıýdjet shyǵystaryn baqylaýdy tsıfrlandyrý aıasynda Densaýlyq saqtaý salasynda, Qazynashylyq júıemen ıntegratsııalanǵan Qalqan biryńǵaı qarjylandyrý portaly iske qosyldy. Búginde bul júıege 1 600-den astam medıtsınalyq uıym qosylǵan. Bul mindetti áleýmettik medıtsınalyq saqtandyrý júıesindegi shyǵystardyń oryndalýynyń jańa deńgeıin qamtamasyz etedi, - dedi mınıstr.

Bul saladaǵy («MÁMS 2.0») reformany iske asyrýdan kútiletin ekonomıkalyq tıimdilik 255,2 mlrd teńgeni quraıtyn bolady.

Budan buryn habarlanǵandaı, kúrdeli syrtqy ekonomıkalyq ahýalǵa qaramastan shıkizattyq emes sektor básekege qabilettiligin kórsetti.