Jyl basynan beri veıpterdiń zańsyz aınalymyna qatysty 32 derek tirkeldi

ASTANA. KAZINFORM —  Qarjylyq monıtorıng agenttigi elektrondyq temeki qurylǵylarynyń zańsyz aınalymymen kúres boıynsha maqsatty jumys júrgizip keledi. 

Agenttiktiń málimetinshe, 2025 jyldyń basynan beri veıpterdiń zańsyz aınalymyna  qatysty 32 derek tirkeldi.

• 440 myńnan astam buıym tárkilenip, joıyldy; osy ónimderdi óndirýge arnalǵan 6 birlik jabdyq alyndy;
• tárkilengen ónimniń jalpy quny 1,8 mlrd teńgeden asty;
• 14 adam qylmystyq jaýapkershilikke tartyldy.

Zańsyz qyzmet Telegram, WhatsApp messendjerleri jáne kýrerlik qyzmetter arqyly júzege asyrylǵan. Túsken tabystar «droptar» arqyly qolma-qol aqshaǵa aınaldyrylǵan. 

Atalǵan ónimderdiń negizgi tutynýshylary – jastar men kámeletke tolmaǵan oqýshylar ekenin atap ótken jón. 

Aıta keteıik, elimizde shylym shegetinder azaıyp, veıp pen elektrondy temekige áýestenýshiler sany artqan.