Jyl basynan beri týa bitken júrek aqaýy bar balalarǵa 1708 ota jasaldy
ASTANA. KAZINFORM – Jyl basynan bastap 2024 jyldyń qyrkúıegine deıin týa bitken júrek aqaýy bar balalarǵa 1708 ashyq júrekke operatsııa jasaldy, onyń 48%-y 1 jasqa deıingi balalar. Bul týraly QR Densaýlyq saqtaý mınıstrliginiń baspasóz qyzmeti málim etti.
Bizdiń elimiz Ortalyq Azııada týǵannan bastap kardıohırýrgııalyq operatsııalar júrgiziletin jalǵyz memleket.
Asa aýyr jaǵdaılarda balalardyń ómirin saqtap qalý úshin Qazaqstanda telemedıtsınalyq tehnologııalar men medıtsınalyq avıatsııa iske asyryldy.
Sanavıatsııanyń 459 ushýy, onyń 292-si jańa týǵan nárestelerge ushýy oryndaldy. 1 357 balaǵa medıtsınalyq kómek kórsetildi. 498 bala, onyń ishinde 291 bala Astana jáne Almaty qalalaryna tasymaldandy.
Eske sala keteıik, «Ańsaǵan sábı» baǵdarlamasy arqyly 8 myń náreste dúnıege keldi.
