Jyl basynan beri transulttyq sıpatta 38 qylmystyq is tirkeldi — ІІM
ASTANA. KAZINFORM — Іshki ister mınıstrliginde keńeıtilgen alqa otyrysy ótti. Osy jıynda jyl basynan beri, onyń ishinde transulttyq sıpatta, 38 qylmystyq is tirkelip, qylmystyq ortadan shyqqan 160-tan astam adam qylmystyq jaýapkershilikke tartylǵany aıtyldy. Bul týraly Polisia.kz jazdy.
ІІM mınıstri Erjan Sadenov uıymdasqan qylmysqa qarsy is-qımyl máseleleri boıynsha qylmystyq toptardyń ekonomıkaǵa yqpalyn toqtatý baǵytyndaǵy jumystardy kúsheıtýdi tapsyrdy.
Jábirlenýshilerdiń quqyqtaryn qorǵaý tergeý jumysynyń mańyzdy baǵyttarynyń biri bolyp qala beredi. Erjan Sadenov keltirilgen zalaldy óteý boıynsha barlyq qajetti sharalardy qabyldaý qajettigin atap ótti.
Jartyjyldyq qorytyndysy boıynsha qylmystyq ister aıasynda 34 mlrd teńgeden astam shyǵyn óteldi. Internet-alaıaqtyqpen kúreske erekshe nazar aýdaryldy.
— Alty aı ishinde mundaı qylmystar sany 7%-ǵa tómendedi. Jábirlenýshilerge 4,8 mlrd teńge qaıtarylyp, taǵy 2,6 mlrd teńgeniń zańsyz shyǵarylýyna jol berilmedi, sondaı-aq 150 mıllıon alaıaqtyq qońyraý buǵattaldy, — delingen habarlamada.
Mınıstr tergeý sapasyn arttyrýdy, qylmystyq shottardy jedel buǵattaýdy jáne alaıaqtyq shemalardy uıymdastyrýshylardyń barlyǵyn anyqtaýdy tapsyrdy.
Eske sala keteıik, Іshki ister organdarnda bıylǵy jyldyń birinshi jartyjyldyǵyndaǵy jedel-qyzmettik qyzmet qorytyndycy shyǵarylyp, aldaǵy kezeńge negizgi mindetter aıqyndaldy.
