Jyl basynan beri ishki ister organdary 1885 esirtki qylmysynyń jolyn kesti
ASTANA. KAZINFORM — OKQ alańynda ótken baspasóz konferentsııasynda QR ІІM Esirtki qylmysyna qarsy is-qımyl komıteti tóraǵasynyń orynbasary Qýandyq Áljanov esirtki qylmysyna qarsy kúrestiń nátıjeleri týraly habarlady. Onyń aıtýynsha, 6 uıymdasqan qylmystyq top, onyń ishinde 1 transulttyq top joıyldy, 9 uıymdastyrýshy men 29 belsendi qatysýshy ustaldy.
— Kıberqadaǵalaý» júıesine 15 myńnan astam zańsyz ınternet-resýrs buǵattaýǵa joldandy. Ulttyq bankpen birlesip 135 mln teńgege tranzaktsııalar toqtatyldy. 177 myń sheteldik tólem kartasy buǵattaldy. Esirtki ótkizýden túsken kiristi «jylystatýdy» anyqtaý úshin 26 myń krıptoámııan Qarjylyq monıtorıng agenttigine tekserýge jiberildi. 580 kg sıntetıkalyq esirtki, 12 tonnadan astam prekýrsor tárkilendi, — dedi polıtsııa polkovnıgi.
Bul rette sıntetıkalyq esirtki óndirý aýyldyq jerlerge aýysqany atap ótildi. Qýandyq Áljanovtyń aıtýynsha, sıntetıka óndirýmen aınalysqan 15 esirtki zerthanasynyń shamamen 70%-y shalǵaıdaǵy aýyldarda ornalasqan.
Aıta keteıik, 6 myń esirtki saıty men 9 myń bank kartasy buǵattaldy.
