Jyl basynan beri shetelden qansha zańsyz aktıv qaıtaryldy
ASTANA. KAZINFORM - Aıaqtalǵan qylmystyq ister sheńberinde jyl basynan beri shamamen 195 mlrd teńge elge qaıtarylǵan. Bul týraly Cybaılas jemqorlyqqa qarsy is-qımyl agenttiginiń alqa otyrysy barysynda aıtyldy.
Agenttik Tóraǵasy Ashat Jumaǵalı jıynda jemqorlyq qylmystarynan keltirilgen zalaldy óteý jáne zańsyz alynǵan aktıvterdi qaıtarý jónindegi jumystyń mańyzdylyǵyn atap ótti.
Bul protsess buzylǵan quqyqtar men áleýmettik ádilettilikti qalpyna keltirýdiń mańyzdy quramdas bóligi bolyp tabylady.
Sybaılas jemqorlyqqa qarsy qyzmet aıaqtalǵan qylmystyq ister sheńberinde jyl basynan bastap shamamen 195 mlrd teńgeni ótedi.
Agenttiktiń 2,5 jyly, onyń ishinde olıgopolııalar tarapynan Qazaqstan halqyna 1,07 trln teńge qaıtaryldy.
Bul jumys – BUU-nyń tıisti Konventsııasynda belgilengen jemqorlyqqa qarsy kúrestiń irgeli halyqaralyq qaǵıdaty.
Qazirgi jaǵdaıda qarajat kóbinese basqa ıýrısdıktsııalarǵa shyǵarylady, sondyqtan urlanǵandy anyqtaý jáne qaıtarý boıynsha halyqaralyq yntymaqtastyq mańyzdy.
Agenttik halyqaralyq quqyq qorǵaý jelilerimen – BUU janyndaǵy GlobE, Egmont, CARIN jáne ARIN tobymen belsendi yntymaqtastyq júrgizýde, bul sheteldik seriktestermen aqparat almasýdy aıtarlyqtaı jedeldetedi jáne jeńildetedi.
Naqty eldermen ekijaqty yntymaqtastyq mańyzdy ról atqarady, sonyń arqasynda Avstrııa, Frantsııa, Lıhtenshteın, Ámirlikter, Túrkııa, Reseı jáne basqa elderden elge 736 mln dollardan astam aqsha, baǵaly qaǵazdar, jyljymaıtyn múlik, zergerlik buıymdar qaıtaryldy.
Búgingi tańda Agenttik sybaılas jemqorlyqqa qarsy vedomstvolarmen 13 memorandým jasasty, onyń 4-i aǵymdaǵy jyly qol qoıyldy.
Bul Ázirbaıjan, Gonkong, Katar jáne Reseı.
Sybaılas jemqorlyqqa qarsy qyzmettiń josparynda úsh negizgi vektor – Eýropa, Taıaý Shyǵys jáne Ońtústik-Shyǵys Azııa yntymaqtastyǵyn odan ári keńeıtý kózdelgen.
