Jyl basynan beri shekarashylar jalǵan tólqujatpen ótpek bolǵan 16 adamdy ustady
ASTANA. KAZINFORM — 2025 jyldyń basynan beri shekarashylar jalǵan tólqujatpen shekarany kesip ótpek bolǵan 16 adamdy ustady. Bul týraly UQK baspasóz qyzmeti málim etti.

— 18 qańtarda Túrkistan oblysynyń «Jibek joly» ótkizý pýnktinde shekaralyq baqylaýdy júzege asyrý kezinde shetel azamaty basqa adamnyń tólqujatymen Qazaqstan Respýblıkasynyń shekarasyn kesip ótýge árekettengeni úshin ustaldy, — dep habarlady Ulttyq qaýipsizdik komıtetinen.
2024 jyly halyqaralyq qatynas joldarynda 400-den astam osyndaı quqyq buzýshylyqtardyń joly kesildi.
UQK shekara qyzmeti jalǵan jáne bóten qujattardy paıdalanyp shekaradan ótkeni úshin qylmystyq jaýapkershilik qarastyrylǵanyn habarlaıdy.
Eske sala keteıik, buǵan deıin Astana qalasynyń halyqaralyq áýejaıynda Qazaqstan Respýblıkasynyń jalǵan tólqujatymen kirý úshin shekaradan ótýge árekettengen sheteldik azamatty ustalǵanyn jazǵan bolatynbyz.