Jyl basynan beri shekarada jalǵan qujatpen ótpek bolǵan 200 derek anyqtaldy
ASTANA. KAZINFORM — Jyl basynan bastap ótkizý pýnktterinde shekaralyq baqylaýdy júzege asyrý kezinde osyndaı 200 faktiniń joly kesildi
UQK Shekara qyzmeti ótkizý pýnktterinde jalǵan nemese bógde qujattary bar adamdardy elge kirgizbeý boıynsha turaqty jumys júrgizip keledi.
Tek osy jyldyń basynan bastap ótkizý pýnktterinde shekaralyq baqylaýdy júzege asyrý kezinde osyndaı 200 faktiniń joly kesildi.
Qylmyskerlerdiń kópshiligi jalǵan vızalar men úshinshi tulǵalardyń anyqtaý derekteri bar qujat blankilerin paıdalanǵan.
Olardyń qoldanylýy shekaranyń ońtústik bólikterinde jáne halyqaralyq áýe jelilerinde jıi anyqtaldy.
2025 jyly osyndaı 661 quqyq buzýshylyq tirkelgenin atap ótken jón.
UQK Shekara qyzmeti jalǵan jáne bógde qujattardy paıdalanyp shekaradan ótkeni úshin qylmystyq jaýapkershilik qarastyrylǵanyn habarlaıdy.
Aıta sybaılas jemqorlyq boıynsha 198 is tergelip, 175 is sotqa joldanǵan edi.
