Jyl basynan beri polıtseıler 17 tonnadan astam esirtki tárkiledi
ASTANA. KAZINFORM – Sońǵy 6 aıda elimizde esirtkimen baılanysty 4 myń quqyqbuzýshylyq anyqtaldy. Bul týraly QR Іshki ister mınıstrliginiń resmı ókili Shyńǵys Álekeshev aıtyp berdi.
«Іshki ister mınıstrligi jumysynyń negizgi baǵyttarynyń biri – esirtki qylmysyna qarsy kúres. Jyl basynan beri osy baǵytta polıtseıler 9 myńnan astam aldyn alý sharasyn júrgizdi. Alty aıda 4 myń esirtki quqyq buzýshylyǵy anyqtaldy, onyń ishinde 1600-den astamy – qylmys dep tanyldy», - dedi resmı ókil mınıstrlikte ótken brıfıngte.
Spıkerdiń aıtýynsha, jyl basynan beri zańsyz aınalymnan 17 tonnadan astam esirtki, onyń ishinde 355 kg sıntetıka tárkilendi.
Sonymen birge, 31 jasyryn esirtki zerthanasy joıylǵan.
Buǵan deıin Sh. Álekeshev elimizde birqatar qylmystyń tómendeýi baıqalǵanyn aıtqan edi.
