Pavlodar joldarynda jyl basynan beri 8 adam kóz jumǵan

PAVLODAR. KAZINFORM - Ertis-Baıan óńiriniń aýmaǵynda jyl basynan 79 jol-kólik oqıǵasy tirkelip, saldarynan 114 adam jaraqat alyp, 8 adam qaza tapty.

Tártip saqshylary jol-kólik apatyna kóp jaǵdaıda jaıaý júrginshiler kináli bolatynyn aıtady. Adamdar baǵdarshamnyń qyzyl túsine qaramastan nemese jolaǵy joq jerden joldy kesip ótedi.

- Jaıaý júrginshiniń qyzyl shamǵa qaramaı joldy qıyp ótetini, ruqsat etilmegen aýmaqtardan júgirip óte shyǵatyny kóp jaǵdaıda kózge túsedi. Kólikter jıi júretin kóshelerde bul asa qaýipti jaǵdaı. Joldan ótý kezinde jaıaý júrginshiler joldyń qos qaptalyna qaramaıdy. Telefondarynan kóz almaı bara jatqan nemese únemi qulaqqappen júretin jolaýshylar qaýipti asa eleı bermeıdi. Mundaı jaıaý júrginshiler aınaladaǵy jol qozǵalysyn baıqaı almaıdy, al qulaqqap taqqandar júrgizýshilerdiń dabyl belgisin de, tejegishin de estimeıdi, - dep eskertti óńirlik Polıtsııa departamentinen.

Polıtseıler kez kelgen joldan ótý kezinde júrginshilerdiń sergek ári saq bolýyn eskertedi.

Eske sala keteıik, Pavlodar oblysynda avtojoldardy tekserý nátıjesinde 200-ge jýyq aqaý tirkeldi.