Jyl basynan beri Ózbekstanda kámeletke tolmaǵan 155 qyz turmys qurǵan

TAShKENT. KAZINFORM – Bıyl 9 aıda Ózbekstanda 15-17 jas aralyǵyndaǵy 155 qyz turmysqa shyqqan, dep habarlaıdy Kazinform agenttiginiń menshikti tilshisi.

Buny «Oʻzbekiston 24» telearnasyna suhbat bergen eldiń Densaýlyq saqtaý mınıstri Asılbek Hýdaıarov málim etti. Sonymen qatar vedomstvo basshysy týystar arasyndaǵy neke máselesi de ózekti bolyp turǵanyn aıtty.

— Zamanaýı medıtsına jaqyn týystar arasyndaǵy neke týa bitken dertterge sebep bolatynyn dáleldedi, — dedi Asılbek Hýdaıarov.

Buǵan qosa, mınıstr bosaný jıiligin saqtamaý jaǵdaılarynyń kóbeıgenine toqtaldy. Onyń aıtýynsha, kóp áıel bir jylda eki ret bala kóterip jatady. Ol analar densaýlyǵynyń nasharlaýyna sebep bolyp otyr.

Buǵan deıin habarlaǵanymyzdaı, jyl basynan beri 5 myńnan astam qazaqstandyq Ózbekstanda em alǵan. Sondaı-aq resmı Astana men Tashkent densaýlyq saqtaý salasyndaǵy yntymaqtastyqty tereńdete túsýge nıetti.