Jyl basynan beri Ózbekstanda 80 uıymdasqan qylmystyq top anyqtaldy
TAShKENT. KAZINFORM – Ózbekstannyń Іshki ister mınıstrligi bıylǵy birinshi toqsanda atqarylǵan jumystardyń qorytyndysyn shyǵardy, dep habarlaıdy Kazinform agenttiginiń Tashkenttegi menshikti tilshisi.
Vedomstvonyń málimetinshe, úsh aıda Ózbekstanda 80 uıymdasqan qylmystyq top anyqtalyp, olardyń quramyna bolǵan 211 adam ustaldy. Sonymen qatar qamtylyp otyrǵan kezeńde respýblıkada jalpy sany 6 211 qylmys tirkelgen.
- Esirtkiniń zańsyz aınalymy faktileri boıynsha 4 080 qylmystyq is qozǵaldy. Nátıjesinde uıymdasqan toptar men jeke adamdardan 872 keli esirtki, 33 keli sıntetıkalyq zattar jáne 296 myńnan astam kúshti áser etetin preparattar tárkilendi, - delingen mınıstrlik habarlamasynda.
Bıyl alǵashqy toqsanda kórshiles el aýmaǵynda 1 076 sybaılas jemqorlyq qylmysy jasalyp, olardan 199,5 mlrd sým (shamamen $16,4 mln) zalal keldi. Munymen birge úsh aı ishinde 18 myńnan astam kıberqylmys tirkeldi. Faktilerdiń 97 paıyzynda alaıaqtar elektrondyq tólem júıeleri arqyly azamattardyń aqshasyn jymqyrǵan.
Buǵan deıin habarlaǵanymyzdaı, ózbekstandyqtar alaıaqtar rásimdegen nesıelerdi tóleýden bosatylmaq.
Eske salaıyq, 2024 jyly Ózbekstannyń Ortalyq banki alaıaqtar urlaǵan 9,5 mlrd sýmdy (shamamen $732 myń) buǵattap tastaǵan.
Sondaı-aq, byltyr Ózbekstanda jemqorlyqqa barǵan 252 ákimdik qyzmetkeri qylmystyq jaýapqa tartyldy.
Munymen birge, 2026 jyldyń alǵashqy eki aıynda Ózbekstannyń quqyq qorǵaý organdary 8 zerthanany anyqtap, 375 keli esirtki tárkiledi.
