Jyl basynan beri Ózbekstan astanasynda 29 adam jol apatynan qaza tapty
TAShKENT. KAZINFORM – Bıyl 5 aıda Tashkentte 393 jol-kólik oqıǵasy bolyp, onyń saldarynan 29 adam kóz jumdy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Tashkent qalalyq Іshki ister bas basqarmasynan (ІІBB) málim etkendeı, jyl basynan beri tirkelgen jol apattarynan 364 adam túrli dárejedegi dene jaraqatyn alǵan.
Barlyq jol-kólik oqıǵasynyń 61%-y (240 jaǵdaı) jaıaý júrginshilerdiń qatysýymen bolǵan. Jalpy apattardyń 99%-y júrgizýshiniń jol erejesin saqtamaýynan jáne jaıaý júrginshilerdiń kósheni belgilenbegen jerden kesip ótýinen týyndaǵan.
Osyǵan baılanysty ІІBB ár oqıǵaǵa jeke taldaý jasap, onyń qorytyndysy boıynsha qajetti sharalar legin ázirlep, júrgizýshiler men jaıaý júrginshiler arasynda túsindirý jumysyn kúsheıtpek.
