Jyl basynan beri Ózbekstan altyn eksportyn 70%-ǵa arttyrdy

TAShKENT. KAZINFORM – Bıyl 9 aıda Ózbekstan altyn eksportyn 70,9 paıyzǵa arttyrdy, dep habarlaıdy Kazinform agenttiginiń menshikti tilshisi.

Ulttyq statıstıka komıtetiniń aqparatyna saı, qańtar-qyrkúıek aralyǵynda Ózbekstan 9,8 mlrd dollardyń altynyn shet elderdiń naryǵyna shyǵardy. Ásirese, kórshiles memleket sáýirde qymbat metall eksportyn eki eseledi. ıAǵnı, ol aıda Ózbekstan altyn saýdasynan 1,91 mlrd dollar paıda tapty.

Qańtar-qyrkúıek aralyǵynda resmı Tashkenttiń jalpy eksporty 26,6 mlrd dollar bolsa, sonyń 37 paıyzdan astamy altyn saýdasynan túsken kiriske tıesili.

Aıta keteıik, bul ýaqytqa deıin eń joǵary kórsetkish 2023 jyly tirkeldi. Ol kezeńde altyn eksporty esebinen el ekonomıkasy 8,15 mlrd dollarǵa tolyqqan edi.

Eske salsaq, bıyl maýsymda Ózbekstannyń halyqaralyq rezervteri men altyn-valıýta qory 1,1 mlrd dollarǵa qysqardy. 1 shildedegi málimetke saı, Ortalyq banktiń rezervindegi aktıvterdiń jalpy quny 48,5 mlrd dollarǵa baǵalanǵan. Al mamyrdyń qorytyndysy boıynsha kórshiles eldiń altyn-valıýta qory 49,6 mlrd dollar bolǵan edi.