Jyl basynan beri qazaqstandyq tis dárigerleri 40 mlrd teńge tabys tapqan

ASTANA. KAZINFORM - 2024 jyldyń birinshi toqsanynda stomatologııalyq qyzmet kórsetýden túsken tabys 40 mlrd teńgeni qurady, dep habarlaıdy Birinshi kredıttik bıýro baspasóz qyzmeti.

Bul bir jyl burynǵydan 31%-ǵa kóp. Sonymen qatar keıingi eki jyldaǵy eń joǵary kórsetkish.

Atalǵan qyzmetke suranys arta beretinin eskersek, bul kórsetkish eń joǵary deńgeıge jetýi múmkin edi. Alaıda bulaı bolmady. Onyń mánin Birinshi kredıttik bıýro sarapshylar túsindirdi.

«2021 jyly halyqqa zeınetaqy jınaqtaryn alýǵa, onyń ishinde emdelýge ruqsat berildi. Alǵashynda bul stomatologııalyq qyzmetter naryǵyna aıtarlyqtaı áser etken joq. Degenmen, BJZQ-dan alýǵa bolatyn shekti soma kóterilgenge deıin suranys kúrt ósti. Nátıjesinde 2022 jyldyń birinshi toqsanynda kúrt ósken tis dárigerleriniń tabysy 65,2 mlrd teńgeni qurady», – dep atap ótti bıýro sarapshylary.

Stomatologtar tabysynyń turaqty derlik ósýin ishinara kórsetiletin qyzmetter baǵasynyń jyldam qymbattaýymen túsindirýge bolady. Máselen, 2023 jyly bul qyzmet túri 11,4%-ǵa qymbattady. Bul jalpy ınflıatsııadan joǵary kórsetkish.

«Aıta keteıik, memleket halyqqa stomatologııalyq qyzmetke óte sırek kómek kórsetedi. Onyń jalpy shyǵyndardaǵy úlesi 9% quraıdy», – dep jazdy bıýro.

Eske sala ketsek, 2022 jyldyń úshinshi toqsanynda elimizdiń tis dárigerleri 32 mlrd teńgeden astam somaǵa kyzmet kórsetti.

Qyzmetterdiń negizgi kólemi, ıaǵnı 5,5 mlrd teńgeden astamy bıýdjet qarajaty esebinen, 23 mıllıardy – halyqtan túsken qarajat jáne 3,3 mlrd teńgeden astamy – kásiporyndardyń qarajaty esebinen oryndaldy.