Jyl basynan beri KASE ındeksi 1,4 paıyzǵa ósti

ALMATY. KAZINFORM — Jyl basynan beri KASE ındeksiniń máni 5 658,74 tarmaqqa deıin 1,4%-ǵa kóterildi. 

Qazaqstan qor bırjasynan atap ótkendeı, 2025 jyldyń birinshi toqsanynda qaıtalama naryqta ındekstik aktsııalarmen jasalǵan mámile kólemi 59,7 mlrd teńge boldy. Bul ótken jyldyń sáıkes kezeńindegi kórsetkishten 17,1 mlrd teńgege kóp. 

Eń jaqsy qarqyndy qarjy jáne telekommýnıkatsııa sektorlarynyń ındekstik kompanııalarynyń aktsııalary kórsetti. 

2025 jyldyń birinshi toqsanynyń qorytyndysy boıynsha «Bank TsentrKredıt» AQ-tyń qarapaıym aktsııalary eń joǵary ósimge jetti. Olardyń baǵasy 24,2%-ǵa artty. 

Ósý qarqyny boıynsha ekinshi orynda qarjy sektorynyń basqa ókili – «Qazaqstan Halyq Banki» AQ tyń qarapaıym aktsııalary tur, olar 18,0%-ǵa ósti.  

«Qazaqtelekom» AQ kóshbasshylarynyń úshtigin jabady, onyń qarapaıym aktsııalary birinshi toqsanda 6,7% boldy. 

KASE-de 2025 jyldyń birinshi toqsanynda jasalǵan saýda-sattyq kólemi 83,5 trln teńgege jetti. 2024 jyldyń sáıkes kezeńindegi osyndaı kórsetkishpen salystyrǵanda 10,1%-ǵa nemese 9,4 trln teńgege tómendedi. 

2025 jyldyń 1 sáýirdegi jaǵdaı boıynsha KASE saýda-sattyq tiziminde 262 emıtenttiń 772 ataýdaǵy memlekettik emes baǵaly qaǵazdary boldy.

Eske salaıyq, byltyr KASE ındeksi 33,2 paıyzǵa ósken bolatyn.