Jyl basynan beri ıesiz qalǵan 7 gıdrotehnıkalyq qurylys memleket menshigine qabyldandy
ASTANA. KAZINFORM – Iesiz qalǵan 7 gıdrotehnıkalyq qurylys jyl basynan beri memleket menshigine qabyldandy. Bul týraly Sý resýrstary jáne ırrıgatsııa mınıstrliginiń baspasóz qyzmeti habarlady.
Onyń 4-eýi Qaraǵandy, 2-eýi Almaty jáne 1-eýi Pavlodar oblysynda.
Qazirgi ýaqytta 3 ıesiz gıdrotehnıkalyq qurylysty respýblıkalyq menshikke alý protsesi júrip jatyr.
«Budan bólek, Memleket basshysynyń tapsyrmasyn oryndaý úshin gıdrotehnıkalyq qurylystardyń qaýipsizdigi men paıdalanylýyna jaýapty arnaıy uıymdar quryldy. Bul uıymdar toǵandar men bógetter sekildi shaǵyn gıdrotehnıkalyq qurylystardy teńgerimge qabyldaıdy, bul olardyń tehnıkalyq jaı-kúıin baqylaýdy kúsheıtýge múmkindik beredi», - dedi Sý resýrstary jáne ırrıgatsııa vıtse-mınıstri Erbolat Ibraıhanov.
Eske sala keteıik, buǵan deıin Qazaqstan men Qytaı transshekaralyq sý resýrstaryn bólý kelisimin bekitýi múmkin ekenin jazǵan edik.
