Jyl basynan beri esirtki jetkizýdiń 44 arnasy joıyldy - UQK
ASTANA. KAZINFORM – Ulttyq qaýipsizdik komıteti 2026 jyldyń basynan beri esirtkiniń zańsyz aınalymyna qarsy is-qımyl aıasynda 33 halyqaralyq jáne 11 óńirlik jetkizý arnasynyń jolyn kesti.
UQK málimetinshe, osy kezeńde úsh jasyryn esirtki zerthanasynyń qyzmeti toqtatyldy. Sondaı-aq arnaıy operatsııalar barysynda 3,2 keli geroın, 8 keli metamfetamın, 70,6 keli apıyn, 129,7 keli gashısh, 16 keli gashısh maıy, 282 keli marıhýana, 156,5 keli qarasora, 56,4 keli psıhotroptyq zat, 20 tonna kóknár sabanynyń shıkizaty jáne 3,8 tonnadan astam prekýrsor tárkilendi.
– Shet memleketterdiń quzyretti organdarymen ózara is-qımyl jasaı otyryp, 21 halyqaralyq esirtkige qarsy operatsııa júrgizildi. Atalǵan quqyq buzýshylyqtardy jasady degen kúdikpen Qazaqstannyń 114 azamaty men 7 sheteldik ustaldy, – delingen UQK habarlamasynda.
Sonymen qatar shekaralas memleketterdiń aýmaǵynda halyqaralyq qylmystyq toptardyń 14 qatysýshysynyń áreketine tosqaýyl qoıylǵan.
– Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy, – dep málimdedi vedomstvo.
Aıta keteıik, Óskemende eki jigitten 90-nan astam esirtki oramasy tárkilendi.
