Jyl basynan beri elimizde órt saldarynan 213 adam kóz jumdy

ASTANA. KAZINFORM – Órt oqıǵalary elimizdiń úsh iri qalasy men eki oblysynda kóbeıdi. Bul týraly QR Tótenshe jaǵdaılar mınıstrligi Órtke qarsy qyzmet komıteti tóraǵasynyń orynbasary Qanat Dospaev málim etti.

«Jyl saıyn elimizde orta eseppen 10 myńnan astam órt deregi tirkeledi. Tilsiz jaý kóp jaǵdaıda jeke turǵyn úı sektoryn sharpyp jatady. Birinshi qazannan bastap jylý berý kezeńi bastaldy. Turǵyn úı sektorynda 100-den astam órt tirkelip, 17 adam qaza tapty, onyń ishinde 6 bala bar. Osy merzimde órt saldarynan 13 adam jaralandy», - dedi Q. Dospaev Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, jyl basynan beri 8 myń órt tirkelip, 213 adam qaza bolǵan, 213 adam jaralanǵan.

«Órt oqıǵalarynyń kóbeıýi Astana, Almaty, Shymkent qalalarynda jáne Almaty men Mańǵystaý oblystarynda baıqaldy. Qaza tapqandardyń kópshiligi Qaraǵandy, Aqmola, Soltústik Qazaqstan, Shyǵys Qazaqstan, Almaty, Atyraý jáne Qostanaı oblystarynda tirkeldi. Bul rette, 64 adam mas kúıinde bolǵan», - dedi vedomstvo ókili.

«Jeke turǵyn úı qorynyń órtke qarsy jaǵdaıyn baqylaý qoldanystaǵy memlekettik zańnamamen qarastyrylmaǵanyn (ótinishter men shaǵymdardy eseptemegende) atap ótkim keledi. Biz tek turǵyndarǵa qaýipsizdik jaǵdaıyn túsindiremiz. Onyń barysynda úılerdi aralaımyz jáne turǵyndardyń kelisimimen úıler tekseriledi. Bul rette turǵyndarǵa nusqaýlyqtar beriledi. Órt qaýipsizdigi talaptaryn buzý anyqtalǵan kezde ákimshilik sharalary qoldanylmaıdy», - dedi Q. Dospaev.

Onyń sózine qaraǵanda, halyqtyń áleýmettik osal toptaryna erekshe nazar aýdarylady. Ákimdiktermen birlesip osy sanattaǵy adamdarǵa tıesili 101 myń turǵyn úı esepke qoıyldy. Qazir olardyń 98% profılaktıkalyq jumyspen qamtyldy, 278 myń adamǵa tıisti nusqaý berildi.

«Sonymen qatar, byltyrǵy tájirıbege súıene otyryp, profılaktıkalyq jumystar avtonomdy jylytý júıelerimen baılanysty jazataıym oqıǵalar qaýpi bar turǵyn úılerdi qamtıdy. Máselen, 220 myńnan astam úıdi aralap, 580 myńǵa jýyq adamǵa nusqaý berildi. Turǵyn úı sektorynda anyqtalǵan kemshilikter barlyq jerde birdeı. ıAǵnı kóp jaǵdaıda pesh murjalary tazartylmaǵan, elektr energııasy jelileri men peshter jóndelmegen», - dedi vedomstvo ókili.

Budan buryn habarlanǵandaı, bıyl 11 qazan kúni Qostanaı oblysynda órt shyǵyp, bes bala qaza tapty.

15 qazanda elordadaǵy jataqhanadan órt shyǵyp, bes adam ýlanyp qaldy.