Jyl basynan beri elimizde 250 shaqyrym sý qubyry jelisi salyndy

ASTANA. KAZINFORM – Jyl sońyna deıin 6 oblysta 10 joba paıdalanýǵa beriledi. Bul týraly Sý resýrstary jáne ırrıgatsııa mınıstri Nurjan Nurjigitov málim etti.

- Bıyl 5 aıdyń qorytyndysy boıynsha shamamen 250 shaqyrym (naqty – 248,9 km) sý qubyry jelisi salyndy. Jyl sońyna deıin 6 oblysta 10 joba paıdalanýǵa beriledi dep josparlanyp otyr. Atalǵan jobalardy iske asyrý nátıjesinde shamamen 500 myń turǵyny bar 150 aýyldyq eldi mekenniń sýmen qamtý jaǵdaıy jaqsarady, onyń ishinde 1542 turǵyny bar 4 aýylǵa alǵash ret ortalyqtandyrylǵan aýyzsý júıesi qosylady, - dedi Nurjan Nurjigitov Úkimet otyrysynda.

Sonymen qatar mınıstr Aqmola, Túrkistan jáne Soltústik Qazaqstan oblysynda toptyq sý qubyryn qaıta jańartý boıynsha 6 jobanyń jobalyq-smetalyq qujattamasy ázirlenip jatyr.

- Atalǵan jobalar 102 shaqyrym sý qubyry jelisin qaıta jańartýdy kózdeıdi. Bul 335 myń adam turatyn 202 eldi mekenniń sýmen jabdyqtaý sapasyn jaqsartýǵa múmkindik beredi. Halyqty sapaly aýyz sýmen qamtamasyz etýmen qatar, sý resýrstaryn tıimdi ári ornyqty paıdalaný, onyń ishinde zamanaýı sý únemdeý tehnologııalaryn engizý, memlekettiń sý saıasatynyń – basty basymdyq, - deıdi vedomstvo basshysy.

Aıta keteıik, 2027 jylǵa deıin sý esepteý júıesin tolyq tsıfrlandyrý josparlanyp otyr. 

Elimizde ulttyq sý resýrstary aqparattyq júıesi ázirlenip jatyr.