Jyl basynan beri aýyl sharýashylyǵy ónimderi 4,4% ósti

ASTANA. KAZINFORM – Bıylǵy 9 aıda aýyl sharýashylyǵy ónimderiniń jalpy kólemi 4,4% ósti, jospar boıynsha bul kórsetkish 2,3% bolǵan edi. Bul týraly Aýyl sharýashylyǵy vıtse-mınıstri Azat Sultanov aıtyp berdi.

Mundaı ósim egin sharýashylyǵyndaǵy óndiris kóleminiń 5,2%-ǵa, mal sharýashylyǵynda 3,4%-ǵa ulǵaıýy esebinen bolyp otyr.

– Bıyl sharýalarǵa memleket tarapynan buryn-sońdy bolmaǵan qoldaý kórsetilip, agrotehnologııalarmen tolyq kólemde qamtamasyz etýge múmkindik jasaldy. Bul ótken jylmen salystyrǵanda saladaǵy óndiristiń ósýin qamtamasyz etti, – dedi vıtse-mınıstr Úkimettiń búgingi otyrysynda.

Ósimdik sharýashylyǵy salasynda egin jınaý jumystary aıaqtalyp keledi, barlyǵy 15,1 mln gektar astyq alyndy. Ortasha ónimdilik 16,3 tsentner gektardy qurap, 24,6 mln tonna astyq jınaldy.

Sondaı-aq shamamen 2,2 mln tonna maıly daqyldar, 2,7 mln tonna kartop, 3,2 mln tonna kókónis daqyldary jáne 2,3 mln tonna baqsha daqyldary jınaldy.

– Ónim jınaý jumystaryna bólingen 422 myń tonna jeńildetilgen dızel otynynyń 315 myń tonnasy nemese jospardyń 75 paıyzy jóneltildi. Jınalǵan astyq daqyldary jáne maıly daqyldar egistik alańynyń ulǵaıtylýy ósimdik sharýashylyǵyndaǵy josparlanǵan kórsetkishterdi oryndaýǵa múmkindik beredi, – dedi A.Sultanov.

Aıta keteıik, Soltústik Qazaqstan oblysynda sút fermasy salynyp jatyr.