Jyl basynan beri Almatynyń vızıt ortalyqtaryna qansha sheteldik týrıst barǵan
ALMATY. KAZINFORM — Almatyda týrıstik ınfraqurylymdy jańǵyrtý jumystaryn júrip jatyr. Bul týraly Almaty qalasy týrızm basqarmasynyń basshysy Ǵalııa Toqseıitova aıtty.
Onyń aıtýynsha, búginde qalada týrıster eń kóp baratyn oryndarda ornalasqan 8 vızıt ortalyq jumys isteıdi. Olar Omarova, Panfılov, Zenkov, Baıtursynov, Tımırıazev kóshelerinde, Dostyq dańǵylynda jáne «Medeý» bıik taýly sport kesheniniń aýmaǵynda ornalasqan. Munda kelýshiler qalanyń kórikti jerleri, ekskýrsııalyq baǵyttar, mádenı is-sharalar jáne týrıstik ónimder týraly tolyq aqparat ala alady.
2026 jyldyń 5 aıynda vızıt ortalyqtardyń qyzmetine 3 604 adam júgingen. Onyń 80%-y, ıaǵnı 2 813-i sheteldik týrıster bolsa, ishki týrıster — 791 adam.
— Vızıt-ortalyqtardy týrıster úshin zamanaýı ári qolaıly etýge múmkindik beretin jańa úlgini ázirlep jatyrmyz. Bul jumysta álemniń úzdik tájirıbeleri negizge alyndy. týrıstik ınfraqurylymdy damytý tek aqparattyq qyzmetpen shektelmeıdi. Sonymen qatar áýe qatynasyn keńeıtý, qonaq úı jelisin damytý, taý ınfraqurylymyn kórkeıtý jáne jańa týrıstik nysandar salý baǵytynda da júıeli jumystar qolǵa alynǵan, — dedi Ǵalııa Toqseıitova.
Eske salaıyq, buǵan deıin Almatydaǵy vızıt-ortalyqtar jańa formatqa aýysýy múmkin ekenin jazǵanbyz.
