Jyl basynan beri aqyly joldardan 62 mlrd teńge tústi

ASTANA. KAZINFORM — Jyl basynan beri 9 aıda elimizdiń aqyly joldaryn qoldanǵan júrgizýshiler 62 mlrd teńge tólegen. Bul týraly «QazAvtoJol» ulttyq kompanııasy habarlady. 

— 2025 jyldyń basynan beri elimizdiń kólik júrgizýshileri aqyly joldar arqyly 62 mln astam ret júrip ótti. Bul sapaly jol ınfraqurylymyna degen suranystyń artýyn kórsetedi. Aqyly joldar tek jyldam qozǵalysty qamtamasyz etip qana qoımaı, qalalar men elder arasyndaǵy senimdi baılanysty ornatyp, aımaqtardyń ekonomıkalyq damýyna septigin tıgizedi, — dep jazylǵan kompanııa habarlamasynda.

Ásirese kóp suranysqa ıe aqyly joldar tizimi mynadaı:

1. Almaty — Qonaev (10 mln)
2. Shymkent — Ózbekstan shekarasy (7,8 mln)
3. Shymkent — Taraz (5,5 mln)
4. Taraz — Qaınar (4,6 mln)
5. Shymkent — Qyzylorda (4 mln)
6. Astana — Temirtaý (3,8 mln)
7. Qonaev — Taldyqorǵan (3,3 mln)
8. Astana — Şýchınsk (3,27 mln)
9. Şýchınsk — Kókshetaý (2,82 mln)
10. Astana — Pavlodar (2,1 mln)
11. Almaty — Qorǵas (2 mln)
12. Qostanaı — Denısovka (1,57 mln)
13. Taraz qalasynyń aınalma joly (1,56 mln)
14. Qyzylorda — Aral (1,5 mln)
15. Kókshetaý — Petropavl (1,47 mln)
16. Balqash — Býrylbaıtal (1,1 mln)
17. Pavlodar — Semeı — Qalbataý (1,1 mln)
18. Aqtóbe — RF shekarasy (Orynbor) (1,1 mln)
19. Pavlodar — RF shekarasy (Omby) (736 myń)
20. Qostanaı — RF shekarasy (Troıtsk) (698 myń)
21. Oral — RF shekarasy (Samara) (669 myń)
22. Shý — Býrylbaıtal (583 myń)
23. Oral — RF shekarasy (Saratov) (485 myń)
24. Qandyaǵash — Maqat (462 myń)
25. Beıneý — Aqjigit (Ózbekstan shekarasy) (140 myń)
26. Úsharal-Dostyq (56 myń).

Aqyly joldarǵa degen mundaı joǵary suranys, jol ınfraqurylymynyń damýyna jańa serpin beredi. Joldardyń sapasyn arttyrý kólik qarqynynyń ósýine ǵana emes, zamanaýı jol jelileri bar aımaqtardyń ekonomıkalyq ósýine de yqpaly etedi.

Buǵan deıin el aýmaǵyndaǵy avtojoldardaǵy qazirgi ahýaly habarlanǵan edi. 13 qarasha saǵat 08:00–den bastap birneshe oblysta jyldamdyq boıynsha engizilgen shekteýler alyndy.