Jyl basynan beri 9 myńnan asa adam jastar praktıkasy arqyly jumysqa ornalastyryldy
ASTANA. KAZINFORM – 2025 jylǵy 1 tamyzdaǵy jaǵdaı boıynsha jastar praktıkasy boıynsha 9,1 myń adam jumysqa ornalastyryldy. 2025 jyly bul salada barlyǵy 38,9 myń jas qazaqstandyqty jumyspen qamtý josparlanyp otyr.
Jastar praktıkasy boıynsha jumysqa ornalastyrylǵandardyń eń kóp sany Túrkistan – 2,1 myń adam, Jambyl – 802 adam, Qyzylorda oblystarda – 775 adam jáne Shymkent qalasynda 665 adam tirkelgen.
Jastar praktıkasyna qatysatyn áıelderdiń úlesi 62,7% nemese 5,4 myń adamdy, al aýyl turǵyndarynyi úlesi – 5 myń adamdy nemese 58,1%-dy quraıdy.
Bilim berý uıymdarynyń úlesi – 35 jasqa deıingi jumyssyz túlekteri alǵan kásibi (mamandyǵy) boıynsha bastapqy jumys tájirıbesin alý úshin jastar tájirıbesine qatysýshylar bola alady.
Alǵan kásibi (mamandyǵy) boıynsha bastapqy jumys tájirıbesin alý maqsatynda bilim berý uıymdarynyń 35 jastan aspaǵan jumyssyz túlekteri jastar praktıkasyna qatysa alady. Jastar praktıkasyna qatysý úshin mansap ortalyǵyna ótinish berý qajet.
Jumys berýshi jastar praktıkasyna qatysýshylarǵa kásibı bilim men jumys tájirıbesin berý úshin tálimgerdi bekitedi.
Respýblıka boıynsha ortasha jalaqy mólsheri 109,5 myń teńgeni qurady.
Jastar praktıkasyn qarjylandyrýdy Eńbek mobıldiligi ortalyǵy «Azamattarǵa arnalǵan úkimet» memlekettik korporatsııasy arqyly aı saıynǵy jalaqy tóleý arqyly júzege asyrady. Tólem ekinshi deńgeıdegi bankterde ashylǵan qatysýshylardyń aǵymdaǵy (kartochkalyq) shottaryna aqsha qarajatyn aýdarý jolymen jumys berýshi usynǵan málimetter negizinde júrgiziledi.
Jastar praktıkasy arqyly jumysqa ornalastyrylǵandar arasynda eń kóp suranysqa ıe mamandyqtar: meıirger – 654 adam, zańger – 367 adam, bastaýysh synyp muǵalimi – 309 adam, tárbıeshi – 292 adam, shet tili muǵalimi – 282 adam.
Jastar praktıkasyna qatysqan qazaqstandyqtar bul memlekettik qoldaý sharasy týraly oń pikirlerin aıtýda. Solardyń biri – Kókshetaý qalasynyń turǵyny Bátıma Jasulanova.
– 2024 jyly Kenjeǵalı Saǵadıev atyndaǵy Halyqaralyq bıznes ýnıversıtetin «Ónerkásiptegi halyqaralyq bıznes-logıstıkasy» mamandyǵy boıynsha bitirdim. Az ýaqyt astanalyq uıymda jumys istep, shtatty qysqarty kezinde jumystan bosap qaldym. Mansap ortalyǵyna habarlasyp, jumyssyz retinde tirkeldim. Onda maǵan jastar praktıkasyna qatysýdy usyndy. Qazir Aqmola oblysynyń jolaýshylar kóligi jáne avtomobıl joldary basqarmasynda kólik ınjeneri bolyp jumys isteımin, - deıdi Bátıma Jasulanova.
Eske sala keteıik, buǵan deıin 1 tamyzdaǵy jaǵdaı boıynsha elimizde 221,7 myń adam jumyspen qamtýǵa járdemdesýdiń belsendi sharalarymen qamtylyp, 292,2 myń qazaqstandyq jumysqa ornalastyrylǵanyn habarlaǵan edik.