Jyl basynan beri 63 myńnan astam jasóspirim túngi oıyn-saýyq oryndarynda polıtsııa qolyna túsken

ASTANA. KAZINFORM — Jyl basynan beri eldegi 1,3 myń kásipker jasóspirimderdi túngi oıny-saýyq ornyna kirgizgeni úshin ákimshilik jaýapqa tartylǵan. Premer-mınıstrdiń orynbasary Ermek Kósherbaev Májilis depýtatynyń saýalyna joldaǵan jaýaptap osyndaı derek keltirgen.

— Quqyq buzý faktileriniń aldyn alý úshin aı saıyn «Jasóspirim», «Qaýipsiz balalyq shaq», «Túngi qaladaǵy balalar», «Abaılańyz-balalar!» aktsııalary sııaqty jedel-profılaktıkalyq sharalary uıymdastyrylady. Atqarylǵan sharalar aıasynda bıyl 3 myńnan astam qaraýsyz qalǵan jasóspirimder beıimdeý ortalyqtaryna jetkizildi, túngi ýaqytta oıyn-saýyq oryndarynda zańdy ókildersiz bolǵany úshin 63 myńnan astam ata-ana, 1,3 myńǵa jýyq kásipker, 12 myńnan astam ata-ana mindetterin tıisinshe oryndamaǵany úshin jaýapkershilikke tartyldy, — dep jazady Ermek Kósherbaev.

Eske salsaq, ótken aptada Mańǵystaýdyń Quryq aýylynda topqa bólinip tóbelesken jasóspirimder ustalǵan edi.