Jyl basynan beri 6 bala órtten qaıtys boldy

Tótenshe jaǵdaılar mınıstrligi Órtke qarsy qyzmet komıteti tóraǵasynyń orynbasary Marǵulan Amanbaevtyń aıtýynsha, bıyl órtpen baılanysty qaıǵyly oqıǵalardyń sany byltyrǵydan artqan, dep habarlaıdy QazAqparat tilshisi.

Elimizde jyl saıyn 10 myńnan astam órt bolady. Saldarynan úsh júzden astam adam mert bolyp jatyr. Órttiń kóbi, odan qaıtys bolý fatkileri de turǵyn úı sektorynda tirkelgen.

«1 qazannan bastap respýblıka boıynsha jylytý kezeńi bastalady. Qazirdiń ózinde elimizde 7 560 órt tirkelip, 229 adam qaza tapty. Byltyrǵy jyldyń osy kezeńimen salystyrsaq, órt 6,8%, al adamdardyń qaza bolý kórsetkishi 6,5% kóbeıgeni baıqalady», - dedi ol.

Byltyrǵy jyldyń osy kezeńimen salystyrsaq, órt 6,8%, al órtten adamdardyń qaza bolý kórsetkishi 6,5% kóbeıgen.

Mınıstrliktiń málimeti boıynsha, jyldyń 8 aıynda órtten jáne kómirqyshqyl gazymen ýlaný saldarynan 6 bala qaza tapqan.

Marǵulan Amanbaev órt faktileri kúrt kóbeıgen óńirlerdi atady.

«Óńirlerdegi statıstıkaǵa kelsek, Abaı (46%), Almaty (33%), Qostanaı (26%), Jambyl (20%) oblystarynda órtterdiń kóbeıgeni baıqalady. Sol sııaqty Jambyl, Shyǵys Qazaqstan, Shymkent, Almaty qalasynda qaza tapqandar sany artty. Qaza tapqan azamattar týraly aıtatyn bolsaq, 86 adam mas bolǵan», - dedi komıtet ókili.