Jyl basynan beri 52 adam órtten mert boldy – TJM

ASTANA. KAZINFORM — Jyl basynan beri elimizde 1 myńnan astam órt shyǵý faktisi tirkeldi. Bul týraly Tótenshe jaǵdaılar mınıstrligi órtke qarsy qyzmet komıteti tóraǵasynyń mindetin atqarýshy Erlan Tóregeldıev málim etti.

Жыл басынан бері 52 адам өрттен мерт болды – ТЖМ
Фото: ТЖМ

— Mınıstrlik órtke qarsy belsendi profılaktıkalyq jumysty jalǵastyryp jatyr, ásirese qys mezgilinde, ıaǵnı jylý maýsymynda órt qaýpi arta túsedi. Órttiń negizgi sebepteri - peshtiń aqaýlyǵy, jylytý qurylǵylaryn durys paıdalanbaý jáne elektr jelileriniń shamadan tys júktelýi. 2025 jyl bastalǵaly el aýmaǵynda turǵyn úı sektorynda 1 138 órt shyqty, tilsiz jaýdan 313 adam qutqaryldy. Qaıǵyly apat ta boldy, 52 adam órtten qaza boldy, onyń ishinde 6 bala kóz jumdy, — dedi Erlan Tóregeldıev ortalyq kommýnıkatsııalar qyzmeti alańynda ótken baspasóz máslıhatynda. 

Odan bólek, spıkerdiń aıtýynsha, órtten 50 adam túrli jaraqat alǵan, onyń ishinde 8 bala bar. 

— 22 qańtarda SQO Shal aqyn aýdany Stýpenko aýylynda turǵyn úıden órt shyǵyp ákesi men 4 bala qaza tapty. Órt elektr quraldarynyń qysqa tuıyqtalýynan boldy. 2 qańtarda Jetisý oblysynyń Tekeli qalasynda turǵyn úıde peshti durys ornatpaý sebebinen órt shyǵyp, 3 adam qaza tapty, — deıdi ol.

Aıta ketsek, birer kún buryn Talǵarda dóńgelek zaýytynan shyqqan órt shyqqan edi. Oqıǵa ornyna Tótenshe jaǵdaılar mınıstri Shyńǵys Árinov bardy

Сейчас читают