Jyl basynan beri 51 adam koronavırýs juqtyrdy - DSM

ASTANA. KAZINFORM – Elimizde epıdemıologııalyq jaǵdaı turaqty. Tolyǵyraq Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń tóraǵasy Sarhat Beısenova aıtyp berdi.

Komıtet basshysynyń málimetinshe, qazaqstandyqtardyń arasynda 16 juqpaly aýrý, onyń ishinde oba, dıfterııa, polıomıelıt, ish súzegi, paratıf, qutyrý taǵy sol sııaqty dertter tirkelgen joq.

– 40 ınfektsııalyq dert boıynsha tómendeý baıqaldy. Onyń ishinde koronavırýs 5,7 ese, leptospıroz 2,5 ese, sibir jarasy 46,5%, kongo-qyrym gemorragııalyq qyzbasy 40,6%, skarlatına 39%, brýtsellez 19,5%, ehınokokkoz 15,2%, qyzylsha 6,3%-ǵa azaıdy, - dedi Sarhat Beısenova ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq Sanıtarlyq-epıdemıologııalyq baqylaý komıtetiniń tóraǵasy bıyl 1 qańtardan beri Qazaqstan aýmaǵynda 51 koronavırýs ınfektsııasyn juqtyrý jaǵdaıy tirkelgenin aıtty. Bul kórsetkish ótken jyldyń osy kezeńimen salystyrǵanda 7 ese tómen.

Byltyr Densaýlyq saqtaý mınıstrligi koronavırýs indeti órshigen jaǵdaıda qosymsha vaktsına alatyny týraly habarlaǵan edi.