Jyl basynan beri 5 myńnan astam qazaqstandyq Ózbekstanda em alǵan

TAShKENT. KAZINFORM — Bıyl qańtar-tamyz aılary aralyǵynda 62 myńnan astam sheteldik Ózbekstanda em aldy, dep habarlaıdy Kazinform agenttiginiń menshikti tilshisi.

Ulttyq statıstıka komıtetiniń málimetinshe, qamtylyp otyrǵan kezeńde Ózbekstanǵa emdelý maqsatynda kelgenderdiń kóbi Tájikstan azamattary (44 209 adam). Sondaı-aq, dertine daýa izdegen qyrǵyzstandyqtar da (10 427 adam) az emes.

Al segiz aı ishinde 5 483 Qazaqstan azamaty Ózbekstanda em alypty. Kelýshilerdiń basym kópshiligi Tashkent jáne Samarqand qalalaryndaǵy klınıkalardyń qyzmetine júgingen.

Munymen birge, Reseı (1 280 adam), Aýǵanstan (343 adam), Túrikmenstan (204 adam) jáne Túrkııadan (31 adam) kelgen naýqastar da bar.

Eske salaıyq, buǵan deıin Tashkentke em alýǵa baratyn búldirshinderdiń 90% Qazaqstannan ekenin jazyp edik.