Jyl basynan beri 457,8 myń adam jumyspen qamtyldy – mınıstrlik
ASTANA. KAZINFORM – 2024 jylǵy 1 qarashadaǵy jaǵdaı boıynsha jumyspen qamtýǵa járdemdesý sharalaryna 582,8 myń qazaqstandyq qatysty. 457,8 myń adam jumyspen qamtyldy, onyń 277,3 myńy turaqty jumysqa ornalasty.
Sýbsıdııalanatyn jumys oryndaryna 180,5 myń adam ornalastyryldy. Onyń ishinde áleýmettik jumys oryndarynda 15,4 myń adam, jastar praktıkasynda 30,5 myń adam, qoǵamdyq jumystarda 106,2 myń adam, «Alǵashqy jumys orny» jobasy aıasynda 9,2 myń adam, «Urpaqtar kelisimsharty» jobasy aıasynda 409 adam, «Kúmis jas» jobasy aıasynda 18,8 myń adam jumyspen qamtyldy.
Eńbek naryǵynda suranysqa ıe daǵdylar boıynsha onlaın oqytýmen 52,3 myń jumyssyz qamtyldy, onyń ishinde 47,4 myńy oqýdy aıaqtady.
Sondaı-aq «Bastaý Bıznes» jobasy boıynsha kásipkerlik negizderine oqytýmen 54,2 myń adam qamtyldy, onyń ishinde 35,4 myń adam oqýdy aıaqtap, sertıfıkattar aldy.
Qyzmet salasyn tańdaý maqsatynda 183,5 myń adam áleýmettik kásiptik baǵdarlaýdan ótti.
Budan basqa, jańa bıznes-bastamalardy iske asyrý úshin aǵymdaǵy jyldyń basynan halyqtyń áleýmettik osal sanattaryna 400 AEK deıingi (1 476 800 teńge) mólsherde 8 941 grant berildi.
