Jyl basynan beri 400 qazaqstandyq elge evakýatsııalanǵan – SІM
Bul týraly QR Syrtqy ister mınıstrliginiń resmı ókili Aıbek Smadııarov jyldyń qorytyndy brıfınginde baıandady, dep habarlaıdy Kazinform.
Resmı ókil baıandamasyn konsýldyq qyzmet baǵyty boıynsha máselelerden bastady.
«Bizdiń jumysymyzdyń bul baǵyty asa mańyzdy, sebebi shet elderde azamattarymyz ben bıznesimizdiń quqyqtary men múddelerin qorǵaýǵa erekshe basymdyq beremiz. Konsýldyq-quqyqtyq kómekke muqtaj otandastarǵa tikeleı jáne barynsha kómek kórsetetin qyzmetkerler konsýldar ekeni belgili. 2023 jyly konsýldyq mekemelerge azamattardan 12 myńnan astam ótinish kelip tústi, onyń basym bóligi – 99,3% qanaǵattandyryldy», - dedi A. Smadııarov.
Onyń aıtýynsha, Qazaqstan azamattarynyń shet elderdegi zańdy quqyqtary men múddesin saqtaý máselesi turaqty negizde baqylaýda.
«Jyl barysynda Túrkııadaǵy tabıǵı apattar men Taıaý Shyǵystaǵy áskerı-saıası qaqtyǵystyń shıelenisýi saldarynan Qazaqstanǵa bizdiń 400-den astam azamat otbasy múshelerimen birge evakýatsııalandy (Túrkııadan – 107, Izraılden – 166, Gaza sektorynan – 127)», - dedi QR SІM ókili.
