Jyl basynan beri 2,2 mlrd teńgege tutynýshylardyń quqyǵy qorǵaldy

ASTANA. KAZINFORM – Osy jyly 10 aıdyń ishinde tutynýshylardyń quqyǵyn buzǵan 696 bıznes sýbektisine 23 mln teńgege  aıyppul salyndy.

- Bıyl 10 aıda óńirlik departamentter 1080 kásipkerlik sýbektilerine tekserý júrgizip, 31 profılaktıkalyq is-shara júrgizildi. Onyń nátıjesinde 696 bıznes sýbektisine 23 mln teńgege aıyppul salyndy jáne 347 bıznes sýbekti ákimshilik jaýapkershilikke tartyldy. Qabyldanǵan is-sharalardyń nátıjesinde jalpy somasy 2,2 mlrd teńgege tutynýshylardyń quqyǵy qorǵaldy, - dedi Saýda jáne ıntegratsııa mınıstrligi tutynýshylardyń quqyǵyn qorǵaý komıtetiniń tóraǵasy Bolat Tańabergenov ortalyq kommýnıkatsııalar qyzmeti alańynda ótken baspasóz máslıhatynda.

Buǵan deıin tutynýshy quqyǵy buzylǵan jaǵdaıda satýshyǵa qalaı narazylyq hat joldaýǵa bolatyny týraly jazǵan bolatynbyz. 

Eske sala keteıik, Májilis byltyr qyrkúıekte tutynýshylardyń quqyǵyn qorǵaý týraly zań jobasyn maquldady.