Jyl basynan beri 194 mlrd teńge somasyna qarjylyq buzýshylyqtar anyqtaldy
Osy jyldyń 9 aıynda 194 mlrd teńge somasyna qarjylyq buzýshylyqtar anyqtaldy. Bul týraly búgin Úkimet otyrysynda Premer-Mınıstrdiń orynbasary – Qarjy mınıstri Erulan Jamaýbaev aıtty, dep habarlaıdy Kazinform agenttiginiń tilshisi.
«Osy jyldyń 9 aıynda kameraldyq baqylaýmen 10 trln teńgege 353 myńnan asa memlekettik satyp alý rásimderi qamtyldy. Tekserý qorytyndylary boıynsha 47 129 rásim boıynsha buzýshylyqtar anyqtaldy. Onyń ishinde memlekettik aýdıt obektileri kemshilikterdi joıý týraly habarlamalardyń 93 paıyz oryndady», - dedi mınıstr.
Onyń dereginshe, 1 709 aýdıtorlyq is-shara ótkizildi. Aýdıtpen shamamen 1,2 trln teńge bıýdjet qarajaty qamtyldy.
«Shamamen 194 mlrd teńge somasyna qarjylyq buzýshylyqtar anyqtaldy. Taýarlardy jetkizý, qyzmetterdi kórsetý men jumystardy oryndaý, bıýdjetke óteý jáne esepke alý boıynsha kórsetý jolymen 158 mlrd teńgege buzýshylyqtar joıyldy. Aýdıt obektileri qyzmetin jetildirý jáne tıimdiligin arttyrý úshin 1 724 usynym berildi», - dedi Erulan Jamaýbaev.
