Jyl basynan beri 172 pavlodarlyq habar-osharsyz ketken

PAVLODAR. KAZINFORM — Óńir polıtsııasyna pavlodarlyqtardyń habar-osharsyz ketýi týraly 172 ótinish kelip túsken. Polıtseılerdiń joǵary kásibıliginiń arqasynda Ertis-Baıan óńiriniń joǵalǵan turǵyndary qysqa merzimde úılerine aman-esen oralǵan.

Іzdestirý jumystaryna óńirdegi eriktiler de úlken kómek kórsetip otyr. Polıtseılerdiń sózinshe, kún jyly mezgilde adamdardyń joǵalyp ketýiniń eń kóp taraǵan sebepteriniń biri — alkogoldi ishimdikterdi asyra paıdalaný.

«Mysaly Pavlodar qalasynyń polıtsııasyna 45 jastaǵy áıeldiń balasy ótinishpen júgingen. Uly anasynyń joǵalyp ketkenin aıtpas buryn onyń ózdiginen oralýyn bir apta kútipti. Joǵalǵan adam ishimdikke áýes bolǵan, sondyqtan mundaı jaǵdaı birneshe ret qaıtalanǵan. Taǵy bir jaǵdaıda, 102 operatoryna birge turatyn súıiktisin joǵaltyp alǵan jas jigit habarlasqan. Qazirgi ýaqytta jedel izdestirý is-sharalary júrgizilip jatyr», — deıdi Pavlodar oblysy polıtsııa departamenti krımınaldyq polıtsııa bastyǵynyń orynbasary Arshat Jámıev.

Eske sala keteıik, Pavlodarda polıtsııaǵa 4 aıda adam joǵalǵany týraly 118 ótinish túsken.