Jyl basynan beri 1,5 mln qazaqstandyq Ózbekstanǵa saıahattap barǵan

TAShKENT. KAZINFORM – Bıyl qańtar-shilde aılary aralyǵynda Ózbekstanǵa 1,5 mln qazaqstandyq saıahattap keldi, dep habarlaıdy Kazinform agenttiginiń menshikti tilshisi.

Ózbekstan Ulttyq statıstıka komıtetiniń málimetinshe, bıyl Qazaqstannan kelgen týrısterdiń sany 39,3%-ǵa artty. Byltyr sáıkes kezeńde bizdiń elimizden 900 myńnan astam saıahatshy kelgen edi.

Jalpy, bıylǵy jeti aıdyń ishinde 6,3 mln sheteldik demalysyn Ózbekstanda ótkizdi. Onyń ishinde Qyrǵyzstan (1,8 mln) jáne Tájikstan (1,4 mln) azamattarynyń úlesi basym.

Komıtettiń málimetinshe, saıahatshylardyń kóbi Tashkent, Samarqand, Buhara jáne Hıýa qalalarynyń kórikti jerlerin aralaǵan.

Qosa ketsek, jyl basynan beri 7,5 mıllıon sheteldik Qazaqstanǵa týrıstik maqsatta kelgen. Týrızm jáne sport mınıstrliginiń habarlaýynsha, byltyr elimizde 15 mıllıonnan saıahatshy demalysyn ótkizgen.