Jyl basynan beri «111» baılanys ortalyǵyna 31 myńnan asa azamat júgindi
ASTANA. KAZINFORM — 2026 jyldyń alǵashqy bes aıynda 1414 Biryńǵaı baılanys ortalyǵynyń «111» qyzmetine 31 myńnan astam ótinish kelip tústi, dep habarlaıdy «Azamattarǵa arnalǵan úkimet» MK baspasóz qyzmeti.
— Ótinishterdiń basym bóligi, naqtyraq aıtqanda 29 293 ótinish QR «111» arqyly jazbasha habarlama túrinde túsken. Sonymen qatar, 1 744 azamat «111» qysqa nómirine qońyraý shalǵan. Taqyryptyq ótinishterdiń ishinde psıhoemotsıonaldyq jaǵdaı, qarym-qatynas máseleleri, bilim berý, býllıng jáne qatygezdik kórsetý máseleleri jıi kóterilgen, — delingen habarlamada.
Árbir ótinish mamandar tarapynan jeke qaralady. Keıin Balalardyń quqyqtary jónindegi ýákil ınstıtýtynyń jáne óńirlik ókilderdiń úılestirýimen memlekettik organdar men tıisti qyzmetterdiń qatysýy arqyly balalarǵa qajetti keshendi kómek pen qoldaý kórsetiledi.
1414 Biryńǵaı baılanys ortalyǵynyń «111» qyzmetiniń jumysy kúrdeli ómirlik jaǵdaılardy der kezinde anyqtaýǵa, balalarǵa kómek kórsetýge jáne olardyń quqyqtary men zańdy múddelerin qorǵaýǵa járdemdesýge múmkindik beredi.
Osyǵan deıin Azamattarǵa arnalǵan úkimet arqyly ótetin mámileler qarjylyq monıtorıng baqylaýyna beriletinin jazǵanbyz.
