Jyl basynan 64,6 mlrd dollardyń taýary eksportqa shyǵaryldy

ASTANA. KAZINFORM — 11 aıda syrtqy saýda aınalymy 116,3 mlrd dollarǵa jetti. Bul týraly búgin Úkimet otyrysynda Premer-mınıstrdiń orynbasary – Ulttyq ekonomıka mınıstri Serik Jumanǵarın aıtty.

- Bıyl qańtar-qazanda syrtqy saýda aınalymy 116,3 mlrd dollardy qurady. Taýarlar eksporty 64,6 mlrd dollar, onyń ishinde óńdelgen taýarlardyń eksporty 23,3 mlrd dollar boldy., - dedi Serik Jumanǵarın.

Onyń aıtýynsha, taýarlardyń ımporty 51,7 mlrd dollarǵa jetti.

- 12,9 mlrd dollardan asa kólemde oń saýda balansy saqtalady, - dedi mınıstr.

Aıta keteıik, Úkimet eldiń 11 aıdaǵy áleýmettik-ekonomıkalyq damý qorytyndylaryn qarap jatyr.