Jyl basynan 6 qurylys salýshy jazalandy

ASTANA. KAZINFORM – 2024 jyly 62 qurylys kompanııasy ákimshilik jaýaptylyqqa tartylǵan, onyń 15-i qaıtalap jasaǵandar.

Astana qalasynyń prokýratýrasy azamattardy salynyp jatqan turǵyn úı kesheninen páter satyp almas buryn úleskerlerdiń qarajatyn tartýǵa ruqsattyń bar-joǵyn tekserip alýdy usynady. 

Óıtkeni 2024 jyly 62 qurylys kompanııasy ákimshilik jaýaptylyqqa tartylǵan, onyń 15-i qaıtalap jasaǵandar.

Jyl basynan bastap osyndaı buzýshylyqtar úshin 6 qurylys salýshy jazalandy.

- Ondaı buzýshylardyń biri «Asyl-nur Qyrylys» JShS, ol tıisti ruqsatsyz salynyp jatqan turǵyn úı kesheninde páterlerdi satý jarnamasyn taratqan. Prokýrorlyq qadaǵalaý aktisi negizinde qurylys salýshyǵa qatysty ákimshilik is qozǵalyp, 2024 jylǵy 2 mamyrda sotpen aıyppul salyndy (Ákimshilik quqyq buzýshylyq týraly kodekstiń 320-babynyń 1-bóligi). Oǵan qaramastan kompanııa páterlerdi satý týraly jarnama ornalastyrý arqyly azamattardyń qarajatyn zańsyz tartýdy jalǵastyrǵan, ol úshin 2024 jyldyń 13 qarashasynda qaıtalap ákimshilik aıyppul salyndy, - delingen Astana qalasy prokýratýrasy habarlamasynda.

Sonymen qatar prokýratýranyń bastamasymen sot azamattyq talap qoıý sheńberinde osy uıymnyń jarnamasyn ornalastyrýǵa tyıym saldy (sheshim zańdy kúshine endi).

Osyǵan uqsas talap qoıýlar taǵy 5 qurylys kompanııasyna qatysty berildi.

Aqparatty myna silteme arqyly bilýge bolady.

Eske salsaq elordada qurylysy uzaqqa sozylǵan saýda ortalyǵy satylymǵa qoıylǵan edi.