Jyl basynan 382,2 tonna irimshik pen súzbe eksporttaldy
ASTANA. KAZINFORM — 2026 jyldyń alǵashqy úsh aıynyń qorytyndysy boıynsha irimshik pen súzbe óndirisi 38,8% ósti.
Qańtar-naýryz aılarynda 15,3 myń tonna irimshik pen súzbe óndirilgen, bul 2025 jyldyń sáıkes kezeńimen salystyrǵanda 4,2 myń tonnaǵa kóp.
Sonymen qatar ımport kóleminiń tómendeýi baıqalady: ol 10,1% azaıyp, 9,4 myń tonna boldy (2025 jyldyń qańtar-naýryzynda bul kórsetkish 10,5 myń tonna bolǵan). Importtyq ónimniń úlesi jalpy resýrstar kóleminiń 38,2%.
Eksport 20,2% qysqarǵan. 2026 jyldyń alǵashqy úsh aıynda 382,2 tonna irimshik pen súzbe eksporttaldy.
Atalǵan kezeńde ishki naryqtaǵy satylym kólemi 24,4 myń tonna boldy, bul ótken jyldyń sáıkes kezeńimen salystyrǵanda 15,7% ósken.
Aıta ketelik Aýyl sharýashylyǵy mınıstri eldegi satylymdaǵy irimshiktiń 58%-y otandyq óndiris, ıaǵnı ishki suranystyń jartysynan kóbi óz ónimimizben qamtamasyz etilip otyrǵanyn aıtqan edi.
