Jyl basynan 3 tonnadan astam esirtki tárkilendi
ASTANA. KAZINFORM – Memleket basshysynyń tapsyrmasy boıynsha ázirlengen nashaqorlyqqa jáne esirtki bıznesine qarsy kúres jónindegi keshendi jospar sheńberinde elde esirtki qylmysyna qarsy belsendi kúres jalǵasyp keledi.
2025 jylǵy naýryzdan bastap Ákimshilik quqyq buzýshylyq týraly kodekstiń 440-1-baby kúshine endi, ol jeke úı-jaılarda esirtkini medıtsınalyq maqsattan tys paıdalanǵany úshin jaýapkershilikti kózdeıdi.
Mundaı buzýshylyq úshin aıyppul 40-tan 80 AEK-ke deıin, al qaıtalap buzǵan jaǵdaıda 20 táýlikke deıin qamaýǵa alýǵa bolady.
ІІM derekteri boıynsha jyl basynan beri zańsyz aınalymnan 3 tonnadan astam esirtki, onyń ishinde 251 kg sıntetıka tárkilendi. Budan basqa, 69 narkolaboratorııa, onyń ishinde 5 sıntetıkalyq esirtki óndirisi joıyldy. Esirtki bıznesiniń qarjylyq aǵynyna qarsy kúreste shamamen 850 mln teńgege 8 myńǵa jýyq shot buǵattaldy.
Qazaqstanda tsıfrlyq saladaǵy quqyq buzýshylyqtarǵa qarsy kúres aıasynda kıberqylmysqa qarsy is-qımyl departamenti óz jumysyn bastady.
Negizgi jetistikterdiń biri 66 mln alaıaqtyq qońyraýlardyń aldyn alý boldy. Bul 2024 jylmen salystyrǵanda 25%-ǵa artyq, 14 myń zańsyz saıt anyqtalyp, buǵattaldy. Kıberqylmystyń ashylýy 2024 jylǵy 28,4%-dan 38,9%-ǵa deıin ósti.
Aıta ketelik beınebaqylaý kameralarynyń arqasynda 1,2 myńnan astam qylmys anyqtalǵan edi.